सेलिब्रेटी नेपाल काठमाडौँ
आगामी असोज ५ गते बाट सार्बजनिक प्रदर्शनमा आउने चलचित्र ‘इन्टु मिन्टु लण्डनमा’ को गीत अर्को सार्वजनिक गरिएको छ । बुधबार काठमाडौंमा एक कार्यक्रमको आयोजना गरि चलचित्रको गीत सार्वजनिक गरिएको हो । गीतमा चलचित्रका दुइ मुख्य पात्र साम्राज्ञी राज्यलक्ष्मी शाह र शारुक ताम्राकारलाई फिचर्ड गरिएको छ । चलचित्रमा समाबेश दुइ गीत र चलचित्रको ट्रेलर केहि समय पहिले नै सार्बजनिक भई सकेका छन् । सार्बजनिक तेस्रो गीतमा इन्गेजमेन्टको माहोल तयार पारिएको छ । सार्बजनिक गीतमा बसन्त सापकोटाको शब्द तथा संगीत रहेको छ भने गीतमा राजेश पायल राइ र मेलिना राइको स्वर रहेको छ । सार्बजनिक गीतमा बिक्रम लामा र एन्जिला खत्रीको कोरियोग्राफी रहेको छ ।
कोरियोग्राफर रेनेशा वान्तवा राईको डेब्यु निर्देशन रहेको चलचित्रमा प्रज्वल समशेर जबरा र प्रभु समशेर जबराको लगानी रहेको छ । शैलेन्द्र ध्वज कार्कीको छायांकन रहेको चलचित्रमा टिसूजिल कर्माचार्य, हर्कुलस बस्नेत, स्वप्न सुमन र बसन्त सापकोटाको संगीत रहेको छ । चलचित्रमा शारुक ताम्राकार, दिलभुषण पाठक, विजय लामा, रुवी राणा लगायतका कलाकारहरुको मुख्य भूमिका रहेको छ ।
