सेलिब्रेटी नेपाल काठमाडौँ
असोज ५ गते बाट प्रदर्शनमा आउने तयारीमा रहेको चलचित्र ‘इन्टु मिन्टु लण्डनमा’ ले मोफसल टुर गर्ने भएको छ । जसमा साम्राज्ञी राज्य लक्ष्मी शाह र धिरज मगरको सहभागिता रहनेछ । निर्देशक रेनेशा वान्तवा राईले गराएको जानकारी अनुसार चलचित्रको मोफसल टुर भदौ १६ गते झापाको बिर्तामोडबाट सुरु हुनेछ । त्यसपछी १७ गते दमक , २२ गते इटहरी र बिराटनगर, २३ गते धरान, २६ गते पोखरा, २७ गते चितवन, २८ गते बुटवल र २९ नेपालगन्ज पुगेर चलचित्र निर्माण टिम काठमाडौं फर्किने छ ।
कोरियोग्राफर रेनेशा वान्तवा राईको डेब्यु निर्देशन रहेको चलचित्रमा प्रज्वल समशेर जबरा र प्रभु समशेर जबराको लगानी रहेको छ । शैलेन्द्र ध्वज कार्कीको छायांकन रहेको चलचित्रमा टिसूजिल कर्माचार्य, हर्कुलस बस्नेत, स्वप्न सुमन र बसन्त सापकोटाको संगीत रहेको छ । चलचित्रमा शारुक ताम्राकार, दिलभुषण पाठक, विजय लामा, रुवी राणा लगायतका कलाकारहरुको मुख्य भूमिका रहेको छ ।
