सेलिब्रेटी नेपाल काठमाडौँ
भोलि शुक्रबारबाट प्रदर्शनमा आउने चलचित्र ‘मिस्टर भर्जिन’ ले राजधानी काठमाडौँमा पत्रकार भेटघाट गर्दै चलचित्रको बारेमा थप जानकारी गराएको छ । चलचित्रका मुख्य कलाकारहरु गौरब पहाडी,कमलमणि नेपाल, मरिश्का पोख्रेल, भोलाराज सापकोटा, रविन्द्र झा तथा निर्देशक विशारद बस्नेत र निर्माता द्वय कार्यक्रममा उपस्थित भएका थिए । निर्देशक विशारद बस्नेतले कार्यक्रममा बोल्दै ‘चलचित्र जुध्नु र हल कति पाउने भन्ने निर्माण टिमको हातमा नभएको बताए’ उनले थपे ‘चलचित्र राम्रो बनेको छ दर्शकले दुइ घण्टा पुरा मनोरंजन पाउने छन्’ कार्यक्रममा बोल्ने जति सबैले चलचित्र रमाइलो बनेको र पुरा मनोरंजन दिने बताए ।
कार्यक्रममा कलाकार कमलमणि नेपालले भने ‘सेक्स कमेडी मिस्टर भर्जिन छाडालाइ मिलायर राम्रो बनाउने प्रयास गरिएको छ र जवान हुँदा युवा युवतीले महसुस गर्ने कुरा लाइ चलचित्रमा मुख्य बिषय बनाईएको छ ।’
विशारद बस्नेत निर्देशित ‘मिस्टर भर्जिन’ मा गौरव पहारी, विजय बराल, कमलमणि नेपाल, मरिश्का पोख्रेल, भोलाराज सापकोटा, रविन्द्र झा, सिर्जना सुब्बा लगायतका कलाकारको अभिनय रहेको छ ।चलचित्रको कथा पटकथा विजय थापा, अजय पन्त, सन्तोष बोहोरा, हिरा लामा, कपिल खड्का, स्नेहा पौडेल, विशारत बस्नेत, महेश दवाडीको रहेको छ भने संवाद महेश दवाडीले लेखेका हुन् ।
चलचित्रमा रामेश्वर कार्कीको छायाङ्कन, विक्रम स्वाँर. दीपक याम सिंहको कोरियोग्राफी ,सुरज पण्डित, श्रीकृष्ण बम मल्ल, आधा सुर, मिस्टर आर.जेको सङ्गीत रहेको छ । वर्ल्ड वाइड फिल्म्स डिस्ट्रिव्यूसन प्रा.लीको ब्यानरमा निर्माण भएको ‘मिस्टर भर्जिन’मा खिलेन्द्र तिमल्सिना, प्रजापति सिवाकोटी, मुकेश रेग्मी र बिशारद बस्नेतको लगानी रहेको छ भने सह निर्मातामा सन्दिप उप्रेती रहेका छन् ।
