सेलिब्रेटी नेपाल काठमाडौँ
असोज ५ गते बाट सार्बजनिक प्रदर्शनमा आउने चलचित्र ‘इन्टु मिन्टु लण्डनमा’ को पहिलो गीत सार्बजनिक गरिएको छ सार्बजनिक ‘उडायो हावाले’ बोलको गीतमा हर्कुलश बस्नेतको शब्द तथा संगीत रहेको छ स्वरमा हर्कुलस लाइ निकिता थापाले साथ दिएकि छिन ।
कोरियोग्राफर रेनेशा बान्तवा राईले निर्देशन गरेको चलचित्र ‘इन्टु मिन्टु लण्डनमा’ आईकोर फिल्मस्को व्यानरमा प्रभु शमशेर जबरा र प्रज्वल शमशेर जबराले निर्माण गरेका हुन् । चलचित्रको यस अघि सार्वजनिक टिजरले दर्शकबाट राम्रो प्रतिक्रिया पाइरहेको छ । लण्डनमा छायांकन गरिएको सिनेमाको गीतमा उत्कृष्ट कोरियोग्राफी हेर्न पाइन्छ । चलचित्रका मुख्य कलाकार धिरज मगर र साम्राज्ञी राज्यलक्ष्मी शाहलाई फिचर्ड गरिएको छ । चलचित्र ‘इन्टु मिन्टु लण्डनमा’मा शैलेन्द्र डि कार्कीको छायांकन, कृष्ण भण्डारीको सम्पादन रहेको छ ।
चलचित्रमा साम्राज्ञी र धिरजका अलावा शारुक ताम्राकार, विजय लामा, अर्जुन श्रेष्ठ, दिलभुषण पाठक, रुबी राणा, विवेक लिम्बु, सुनिता श्रेष्ठ ठाकुर लगायतका कलाकारको अभिनय रहेको छ ।
