सेलीब्रेटी नेपाल फागुन २ गते-नेपाल चलचित्र प्राविधिक संघले आयोजना गर्न लागेको ‘छैटौ चलचित्र महोत्सव’ विहिबारदेखी सुरु हुने भएको छ । काठमाण्डौमा आयोजना गरिएको एक पत्रकार सम्मेलनमा आयोजकले महोत्सवको बारेमा जानकारी दिएको हो ।वि.सं २०६८ साल बैशाख महिनादेखि वि.सं २०६९ साल असार मसान्तसम्म प्रदर्शनमा आएका नेपाली सिनेमाहरुलाई महोत्सवमा सहभागी गराइनेछ । महोत्सवमा चलचित्र प्रदर्शन पश्चात प्राविधिक संघले अवार्डको आयोजना गर्नेछ ।
यस बर्षदेखि कान्तिपुर टेलिभिजनसंगको सहकार्यमा हुन लागेको यो अवार्डका लागि ६ जना जुरीहरु छनौट कार्य भइ रहेको । जुरी छनौटका लागि २४ जना चलचित्रकर्मीको नाम सिफारिस गरिएको छ । गत बर्षको अवार्ड भन्दा यस बर्षको अवार्ड चुस्त दुरुस्त र विवाद रहित बनाउने प्रणका साथ नेफ्टाले ३१ विधा सहित जुरी र पपुलर अवार्ड पनि वितरण गर्नेछ । अवार्ड नयाँ बर्ष २०७० को बैशाख महिनाको दोस्रो हप्ताको शनिबार वितरण गरिने बताईएको छ ।
