सेलिब्रेटी नेपाल काठमाडौँ
मिलन चाम्स निर्देशित चलचित्र ‘बोबी’को पोस्टर रिलिज भएका छन् । असार २९ मा रिलिज हुने रियल स्टोरीले प्रचारलाई व्यापक बनाइरहेको छ । यो चलचित्रमा आफ्नै कथामा उमेश थापा र कविता गुरुङ मुख्य भूमिकामा देखिएका छन् ।
पोस्टरमा पनि यी दुई कलाकारलाई नै फिचर गरिएको छ । दुईको प्रेम, रोमान्स, रोदन, संघर्ष, परिवार, जीवन पोस्टरममा झल्किएका छन् ।
चाम्स इन्टरटेनमेन्ट र लण्डन आई इन्टरटेनमेन्टको व्यानरमा निर्माण भएको ‘बोबी’मा संचारकर्मी नरेश भट्टराई/गिरिराज घिमिरेको स्क्रिप्ट, नवराज कृष्ण थापाको छायाँकन, अर्जुन जिसीको सम्पादन र बसन्त सापकोटा/ताराप्रकाश लिम्बुको संगीत रहेको छ ।
चलचित्रमा यी दुईका अलावा विजय लामा, रुबी राणा शाह, देशभक्त खनाल, रश्मि भट्ट, रवि गिरी, सुरवीर पण्डित, बादल भट्ट, पुर्णिमा लामा, शिशिर राणा लगायतका कलाकारको अभिनय रहेको छ ।
