सेलिब्रेटी नेपाल काठमाडौँ
चलचित्र ‘ए सोल्टिनी’ को शीर्ष गीत सार्वजनीक गरिएको छ । सुवास नेपालीले गाएको गीतको भिडियोमा सबिन श्रेष्ठ, अर्जुन गुरुङ र गंगा राना मगरलाई प्रस्तुत गरिएको छ । निर्देशक निमा लामा तामाङको शब्द र संगीत रहेको सो गीतको कोरियोग्राफी अभि लामाले गरेका हुन् ।
असार १५ गते एकल प्रदर्शनमा आउने तयारीमा रहेको ‘ए सोल्टिनी’ ले पछिल्लो समय प्रचार प्रशारलाई तीव्रता दिएको छ । दिलकुमार घलान तामाङले निर्माण गरेको चलचित्रको प्रस्तुतकर्ता पूर्णी तामाङ हुन् ।
जिम्वा फिल्मस् प्रोडक्शनको ब्यानरमा बनेको चलचित्रमा सबिन श्रेष्ठ,अर्जुन गुरुङ, जयनन्द लामा,ज्ञानबहादुर जिम्वा,गंगा रानामगर, मन्जु श्रेष्ठलगायतका कलाकारले अभिनय गरेका छन् ।
