सेलिब्रेटी नेपाल काठमाडौँ
साउन ११ गतेबाट देशव्यापी प्रदर्शनमा आउन लागेको चलचित्र ‘रोमियो एण्ड मुना’ को ट्रेलर सार्वजनिक गरिएको छ । अभिनेत्री सृष्टि श्रेष्ठ र अभिनेता विनय श्रेष्ठ स्टारर चलचित्रको ट्रेलरमा प्रेम, रोमान्स र विछोडले स्थान पाएको छ । ‘रोमियो एण्ड मुना’ लाई नरेश कुमार केसीले निर्देशन गरेका हुन् । यसअघि उनले ‘डाइङ क्यान्डल’ चलचित्र निर्देशन गरेका थिए ।
निर्देशक केसीको पटकथा रहेको चलचित्रमा निरोज महर्जनले केसीलाई संवाद लेख्न सघाएका छन् । चलचित्रमा विनय र सृष्टिसँगै सुस्मा कार्की, सुरक्षा पन्त, प्रज्जवल सुजल गिरी लगायत कलाकाररुको अभिनय रहेको छ । चलचित्र ‘रोमियो एण्ड मुना’ मा प्रशन्नमान गोपाली, रोजी श्रेष्ठ, राम शर्मा र कविन शाक्य मिलेर बनाएका हुन् ।
