‘पण्डित बाजेको लौरी’ पहिलो गीत ‘चोली तुना’ सार्वजनिक (भिडियो)

सेलिब्रेटी नेपाल काठमाडौँ

साउन ४ गते बाट प्रदर्शनमा आउने तयारीमा रहेको चलचित्र ‘पण्डित बाजेको लौरी’ को गीत भिडियो सार्बजनिक गरिएको छ राजधानीमा एक कार्यक्रमको आयोजना गर्दै चलचित्रको ‘चोली तुना’ बोलको गीत सार्वजनिक गरिएको हो । दीपक ओली निर्देशित चलचित्र ‘पण्डित बाजेको सार्बजनिक गीतमा सन्ध्या के.सी सँगै मरिश्का पोखरेल, भोलाराज सापकोटा, प्रविन खतिवडा, विजय बराल, प्रमोद अग्रहरी लगायतका कलाकार फिचर्ड छन् । गीतमा कृष्ण केसीको शब्द, श्रीकृष्ण बम मल्लको संगीत, मिना निरौला र श्रीकृष्णकै स्वर र बिक्रम स्वाँरको कोरियोग्राफी रहेको छ ।

महेश दवाडीको कथा/पटकथा/संवाद रहेको एउटा सानो गाउँ भित्र पण्डित्याईको भिन्न-भिन्न काम गर्ने पण्डितहरुको कथासँगै समाजका गहकिला समस्या र घटनालाई समेटेको छ ।

चलचित्रले बादी-बदिनीको कथा पनि उठाएको छ । अधृत फिल्मस् प्रालीको व्यानरमा थमनकुमार भण्डारी (राज) र किशोर खड्काले संयुक्त रुपमा निर्माण गरेको चलचित्रमा लोकेन्द्र लेखक, विशाल पहारी, कुलदीप अधिकारी लगायतको पनि अभिनय रहेको छ । ‘पण्डित बाजेको लौरी’मा विदुर पाण्डेको छायाँकन, मित्र डी गुरुङको सम्पादन, विक्रम स्वाँरको कोरियोग्राफी र श्रीकृष्ण बम मल्ल/अमित श्रेष्ठको संगीत समाबेश छ ।