बिपिन कार्की स्टारर चलचित्र ‘हरी’ को ट्रेलर सार्बजनिक

सेलिब्रेटी नेपाल काठमाडौँ

बिपिन कार्की स्टारर चलचित्र ‘हरी’ को ट्रेलर सार्बजनिक गरिएको छ जेठ ४ मा प्रदर्शनमा आउने भनिएको चलचित्र अब जेठ १८ गते बाट प्रदर्शनमा आउने भएको छ । राजधानीमा एक कार्यक्रमको आयोजना गर्दै चलचित्रको ट्रेलर सार्बजनिक गरिएको हो ।फरक फरक गेट अप र भूमिकामा देखिने बिपिनको ‘हरी’ मा पनि फरक खालको भूमिकामा देख्न सकिन्छ । ट्रेलर हेर्दा चलचित्र सस्पेन्स कमेडी जनराको हुनसक्ने अनुमान लगाउन सकिन्छ । प्रदर्शन मिती नजिकिदै गर्दा ‘हरी’ युनिटले प्रचार प्रसार समेत सुरु गरेको छ ।

चलचित्रमा बिपिनसंगै सुनिता श्रेष्ठ ठाकुर, कमलमणि नेपाल, थिन्ले ल्हामो, लक्ष्मी बर्देवा, लोकनाथ आचार्य लगायतको अभिनय रहेको छ । शुभलाभ फिल्म प्रोडक्सनको ब्यानरमा निर्मित ‘हरि’ को लेखन र निर्देशन सफल केसी र प्रतीक गुरुङले गरेका हुन् ।चलचित्रको कार्यकारी निर्माता योगेश्वर पौडेल, थाक्पा तामाङ र माधव थापा रहेका छन् ।