सेलीब्रेटी नेपाल माघ २७ गते-लागूऔषध कारोबार भइरहेको सूचना पाएर छापा मार्न गएको प्रहरीले पपगायक सुगम पोख्रेलसहित ७ जनालाई पक्राउ गरेको छ । नयाँ बानेश्वरको लागूऔषध नियन्त्रण ब्युरोबाट गएको टोलीले उनीहरूलाई सेतोपुलमुनि पक्रेको हो । पोख्रेलले सेवन गरेको हो/होइन अनुसन्धान भइरहेको प्रहरीले जनाएको छ । पक्राउ पर्ने अन्यमा झापाका उमेश दाहाल, श्यामुल मगर र काठमाडौंका खगेन्द्र शाही छन् । अनुसन्धानमा असर पर्ने भन्दै पक्राउ पर्ने अन्यको नाम प्रहरीले सार्वजनिक गरेको छैन ।
‘सोधपुछ गर्दा पक्राउ पर्नेमध्येको एक सुगम पनि पाइए,’ डीएसपी रवीन्द्र रेग्मीले भने, ‘तर ब्राउन सुगर उनको साथबाट बरामद भएको होइन ।’ पक्राउ पर्नेको साथबाट प्रहरीले २ ग्राम ब्राउन सुगर बरामद गरेको छ । लत लागेकालाई त्यतिले २ देखि ३ दिनसम्म डोजको काम गर्ने जानकारी प्रहरीले दियो । सुगमले लागूऔषध सेवन गरेको प्रमाणित भए १ वर्षसम्म कैद र दस हजारसम्म जरिवाना हुनसक्छ ।
