सेलिब्रेटी नेपाल काठमाडौँ
चलचित्र ‘मनाङ्गे नानी’ को ट्रेलर सार्बजनिक गरिएको छ । सार्बजनिक ट्रेलरमा माया, प्रेम, द्वन्द लाई देखाईएको छ । नेपालका मनोरम पर्यटकीय ठाँऊ मनाङको तिलिचो तालको पेरिफेरीमा छायांकन गरिएको चलचित्रको दृश्यहरु सुन्दर देखिएको छ । चलचित्र बैशाख २८ बाट प्रदर्शनमा आउन लागेको छ।
चलचित्रमा नायकका रुपमा यसअघि चलचित्र ‘चिनो’ र ‘तिमि बिनाको जिबन’ चलचित्रमा नायकका रुपमा अभिनय गरिसकेका नायक भिम गुरुङको साथमा शान्ती गुरुङ, कुशल गुरुङ, रिया गुरुङ, जेनिशा गुरुङ र खुसि गुरुङको अभिनय रहेको छ । चलचित्रको छायांकन ७० प्रतिशत भन्दा बढी मनाङका रमणिय स्थानहरुमा भएका छन् ।खुस बहादुर गुरुङको कथा,पटकथा, गीत, संगीत र निर्देशन रहेको चलचित्रमा श्रीकृष्ण फुयालको छायांकन रहेको छ भने जनक गुरुङको द्वन्द रहेको छ । गौतम गुरुङ, सोल बहादुर गुरुङ, भिम राज गुरुङ र टिकामाया गुरुङ ले संयुक्त रुपमा निर्माण गरेका हुन् । सुबास गुरुङ, मनाङ गुरुङ ,ओमन गुरुङको नृत्य निर्देशन रहेको फिल्ममा प्रकाश गुरुङ, मदन गुरुङ, सुकराज गुरुङ र तिलु गुरुङ कार्यकारी निर्माताका रुपमा रहेका छन् ।
