सेलिब्रेटी नेपाल काठमाडौँ
अभिनेता सबिन श्रेठ निर्माता बनेको चलचित्र ‘हिरो रिटर्न्स’को शिर्ष गीत सार्बजनिक गरिएको छ । टंक बुढाथोकीको शब्द तथा संगीतमा तयार भएको गीतमा स्वर टंक सँगै मनिषा पोखरेलको रहेको छ । हेटौंडाका विभिन्न स्थानमा छायांकन गरिएको गीतको भिडियोमा कोरियोग्राफी कविराज गहतराजले गरेका छन् । सम्पादन मित्र डि. गुरुङको रहेको छ । चलचित्रमा अभिनेता सबिन र आंचल शर्मा फिचर छन् तर चलचित्रकी मुख्य अभिनेत्री रेखा थापालाई भने गीतलाई फिचर गरिएको छैन । आशिष भेटवालको निर्देशनमा बनेको चलचित्रलाई मदन कस्यप घिमिरेले छायांकन गरेका हुन्।
भिमसँगै अमित श्रेष्ठ निर्माता रहेको चलचित्रमा टंकसँगै दीपक शर्माको संगीत रहेको छ । चलचित्रमा चन्द्र पन्तको द्वन्द्व निर्देशन रहेको छ । ‘हिरो रिटर्न्स’मा सविन श्रेष्ठ र रेखा थापा, दिल श्रेष्ठ , सरोज खनाल, सुलेमान शंकर इकु, सुरेश थापा (दर्शने), रोशन श्रेष्ठ, डिबी बम्जम, सुशान्त श्रेष्ठ, किरण थापा, लक्ष्मी गिरी लगायतका कलाकार मुख्य भूमिकामा रहेका छन् ।
