सेलिब्रेटी नेपाल काठमाडौँ
चलचित्र ‘काले दाई’को पहिलो गीत सार्वजनिक गरिएको छ ।लोकलयमा रहेको ‘राइफलको सिरानी’ बोलको गीतमा सुमन बैरागीको शब्द र दीपक शर्माको संगीत रहेको छ गीतमा धुर्व विश्को र शहिमा श्रेष्ठको स्वर रहेको छ । रामजी लामिछानेले कोरियोग्राफी गरेको गीतमा इन्द्र राम्जाली, बिनु शाक्य र रामचन्द्र अधिकारीले कम्मर मर्काएका छन् ।
गत वर्ष रिलिज भएको ‘पर्व’ चलचित्र समावेश हिट गीत ‘काले दाई’बाट नाम सापटी लिएर बनाएको चलचित्रलाई शिव शर्माले निर्देशन गरेका हुन् । चलचित्रमा इन्द्र राम्जाली, शिशिर भण्डारी, अनु पराजुली, रामचन्द्र अधिकारी, सुरेन्द्र केसी, गीता अधिकारी, विष्णु सापकोटा, सारिका घिमिरे, उत्तम केसी, गोविन्द श्रेष्ठ लगायतका कलाकारको अभिनय रहेको छ ।
शमशेर गुरुङ र इन्द्र राम्जालीले निर्माण गरेको ‘काले दाई’मा पवन गौतम/रामेश्वर कार्कीको छायाँकन, तारा थापा किम्भेको सम्पादन रहेको छ । चलचित्रको प्रदर्शन मिति तय भईसकेको छैन ।
