सेलिब्रेटी नेपाल काठमाडौँ
चलचित्र ‘हैरान’ को शिर्ष गीतको छायाँकन सकिएको छ । राजधानी स्थित एनएफडिसीमा सेट लगाएर यसको छायाँकन गरिएको हो । गीतमा चलचित्रका सम्पूर्ण कलाकारलाई फिचर्ड गरिएको छ भने यसलाई छिटै सार्वजनिक गरिनेछ । जेठ ४ गते रिलिज हुने चलचित्रको सम्पूर्ण काम सकिएता पनि गीत भने बाकी रहेको थियो ।
गम्भीर विष्टको कोरियोग्राफीमा तयार गीतमा सरोज खनाल , सत्यराज आचार्य , गजित विष्ट , सागर लम्साल , निश्मा घिमिरे , एन्जल राई , शिशिर भण्डारी ,आरोही शर्मा लगायतका सम्पूर्ण कलाकार देखिनेछन् । विश्वकै कान्छा निर्देशक सौगात विष्टको निर्देशनमा तयार भईरहेको चलचित्रलाई कमेडी जनरामा तयार पारिएको छ । गीतमा शब्द र संगीत सत्यराज आचार्य र स्वरूपराज आचार्यको रहेको छ भने यसलाई सत्य-स्वरूपले सरगम आचार्य र बबिता मानन्धरसंग मिलेर गाएका छन् ।
डान्स फेभरको ब्यानरमा निर्मित चलचित्रमा मुक्ति घले , सृष्टि घिमिरे , डाक्टर वाई एल लामा निर्माता रहेका छन् भने सम्झना पोखरेल कार्यकारी निर्मात्री रहेकी छिन । चलचित्रमा कथा तथा कोरियोग्राफी गम्भीर बिस्ट , द्वन्द चन्द्र पन्त , संगीत सत्यराज आचार्य, स्वरूपराज आचार्य ,किरण कडेल , राजन इशान र सन्तोष श्रेष्ठ रहेका छन् । चलचित्रमा नवराज उप्रेती र निरज कंडेलको छायाँकन , अमित श्रेष्ठको मिक्सिङ र ब्याक ग्राउण्ड स्कोर , अनन्त घिमिरेको कलर र भीएफएक्स , प्रितम पाण्डेको सम्पादन रहेको छ ।
