सेलिब्रेटी नेपाल काठमाडौँ
चैत्र ३० गतेबाट सार्बजनिक प्रदर्शनमा आउने चलचित्र चलचित्र ‘नेप्टे’ को शिर्ष गीत सार्वजनिक गरिएको छ । ‘आँखा छ चिम्रो’ बोलको गीतमा भिषण राइ र दीपा लामाको स्वर, रोहित रुम्बाको शब्द तथा संगीत रहेको छ । यो चलचित्रलाई देवकुमार श्रेष्ठले निर्देशन गरेका हुन् । गीतको भिडियोमा चलचित्रका मुख्य कलाकार रोहित रुम्बा, वुद्धि तामाङ, अर्जुन गुरुङ, पूर्णिमा लामालाई फिचरिङ गरिएको छ ।
चलचित्रमा किरण माइकलको पटकथा तथा संवाद, रोहितकै कथा, रोशन श्रेष्ठको एक्सन, तारा थापाको सम्पादन, कविराज गहतराजको कोरियोग्राफी, हरि लामाको छायांकन छ । यो चलचित्रमा दयाहाङ राई, छुल्ठिम गुरुङ लगायतका कलाकारको पनि मुख्य भूमिका छ । चलचित्रमा नायक दयाहाङ राई खलनायकको भूमिकामा देखिएका छन् ।
