सेलिब्रेटी नेपाल काठमाडौँ
चलचित्र‘कोहलपुर एक्सप्रेस’को ट्रेलर सार्बजनिक गरिएको छ । राजधानीमा एक कार्यक्रमको आयोजना गर्दै ट्रेलर सार्बजनिक गरिएको हो । अभिनेत्री केकी अधिकारीको निर्माण तथा विशाल भण्डारी निर्देशित चलचित्र कमेडी जनरामा निर्माण भएको हो । करिब २ घण्टा चलचित्रले पूर्ण मनोरंजन दिनेमा आफुले जिम्मा लिने निर्देशक भण्डारीले बताए ।
सार्बजनिक ट्रेलरमा फुल कमेडी भरिएको छ । प्रियंका कार्की र ऋचा शर्मा भिन्न भूमिकामा देखा परेका छन् । बैशाख १४ देखि सार्बजनिक प्रदर्शनमा आऔने चलचित्रमा केकीअधिकारी , प्रियंका कार्की, ऋचा शर्मा, बुद्दी तामाङ, रविन्द्र झा, विनोद न्यौपाने, कुशाग्र भट्टराई लगायतका कलाकारको अभिनय रहेको छ ।
‘कोहलपुर एक्सप्रेस’मा अर्जुन पोखरेल,कालीप्रसाद बाँस्कोटा,राजनराज सिवाकोटीको संगीत, लोकेश बज्राचार्यको सम्पादन, बिशाल भण्डारीको कथा, शान बस्न्यातको पटकथा/संवाद र भद्र बहादुर शाही,देवीलाल न्यौपाने (पण्डित),शिव प्रसाद चौलागाईको लगानी रहेको छ ।
