सेलिब्रेटी नेपाल काठमाडौँ
चैत्र ३० गते बाट सार्बजनिक प्रदर्शनमा आउने प्रतिक्षित चलचित्र ‘लिलिबिली’को तेस्रो गीत सार्वजनिक गरिएको छ । राजधानीमा एक कार्यक्रमका बीच ‘हावा सरि…’ बोलको गीत सार्बजनिक गरिएको हो । सार्बजनिक गीतमा प्रदीप खड्का र प्रियंका कार्कीले पहिलो पटक स्क्रिन शेयर गरेका छन् । टर्कीको स्थानबुल लगायतका ठाउँमा छायाँकन गरिएको गीतमा एस.डी योगीको संगीत दिपेन्द्र घिमिरेको शब्द रचना र मेनुका पौडेलसँगै संगीतकारको पनि स्वर छ । गीतमा कोरियोग्राफी कविराज गहतराजले गरेका छन् । मिलन चाम्स निर्देशित ‘लिलिबिली’मा प्रियंका र प्रदीपसँगै जसिता गुरुङ, अनुपबिक्रम शाही, सविन श्रेष्ठ, मनिष श्रेष्ठ, धुर्व दत्त, रितेश चाम्स लगायतका कलाकारको अभिनय रहेको छ ।
चलचित्र सुदीप खड्का प्रोडक्सन र चाम्स इन्टरटेनमेन्टको व्यानरमा निर्माण भएको चलचित्रमा गोविन्द शाही, सुदिप खड्का र निर्देशक चाम्सको लगानी छ । सिनेमामा अर्जुन जिसीको सम्पादन, चन्द्र पन्तको एक्सन र सुदिप बरालको छायाँकन रहेको छ ।
