सेलिब्रेटी नेपाल काठमाडौँ
चलचित्रको प्राविधिक कार्यका लागि धमाधम स्टुडियोहरु नयाँ खुल्ने क्रममा अर्को एउटा स्टुडियो संचालनमा आएको छ । उच्च प्रविधीको जडान सहित सुविधा सम्पन्न स्टुडियो रिङ संचालनमा आएको हो । ललितपुरको रिङगरोड एकान्तकुनामा स्टुडियो रिङलाई निर्माता तथा संगीतकर्मी दिपक रमणले संचालनमा ल्याएका हुन् ।
स्टुडियो रिङ संचालनको लागि दिपकसँगै दिवाकर खड्का, लोक बहादुर शाक्य, गंगा खड्गी र राजकुमार महर्जनले सहकार्य गरेका छन् । स्टुडियोमा गीत संगीतका सबै काम देखी चलचित्रको डविङ र पोष्ट प्रोडक्शनको सबै काम हुने संचालक दिपक रमणले बताएका छन् । स्टुडियो रिङलाई बरिष्ठ चलचित्रकर्मी तथा गीतकार चेतन कार्की र बरिष्ठ गायक तथा संगीतकार प्रेमध्वज प्रधानले संयुक्त रुपमा उद्घाटन गरेका हुन् । उद्घाटनमा केही गीत रेकडिङ सहित स्टुडियो संचालनमा ल्याईएको हो । कार्यक्रममा गायक सुनिल गिरि,कलाकार केशब भट्टराई,निर्देशक दिपक श्रेष्ठ,मोडल नयन डी.सी.लगाएत दर्जन भन्दा बढि चलचित्रकर्मीहरुको उपस्थिती रहेको थियो । ।
