सेलिब्रेटी नेपाल काठमाडौँ
फागुन २५ गते अर्थात शुक्रबारबाट सार्वजनिक प्रदर्शनमा आएको चलचित्र ‘हुर्रे’ ले दर्शकको साथ पाउन सफल भएको छ । चलचित्रले दर्शकलाई दुइ घण्टा पुरा मनोरंजन दिन सफल बनेको छ । कमेडी जनरामा निर्माण भएको चलचित्रलाई दर्शकले सकारात्मक प्रतिक्रिया दिएका छन् । चलचित्र हेरेका दर्शकले सामाजिक बिषयबस्तुलाई उठाएको र एकपटक हेनैपर्ने चलचित्र बनेको प्रतिक्रिया दिएका छन् ।
यम थापा निर्देशित मल्टिस्टारर चलचित्र ‘हुर्रे’ ले शुक्रबार भन्दा शनिबार र आईतबार दर्शक अझ बढाउन सफल भएको बताइएको छ । मल्टिप्लेक्स तथा सिगंल थियटर दुवै तिर दर्शकको उपस्थिति राम्रै रहेको निर्माण युनिटले बताएको छ । चलचित्रमा अनुपविक्रम शाही, विजय बराल, केकी अधिकारी, राजाराम पौडेल, अंकित खडका लगायतका कलाकारका कलाकारको अभिनय रहेको छ ।
चलचित्रलाई सोनम लामा र छिरिङ दोर्जे लामाले निर्माण गरेका हुन् । दावा शेर्पा चलचित्रका प्रस्तुतकर्ता हुन् । चलचित्रमा शिव ढकालको छायांकन, कालिप्रसाद बास्कोटा र राजनराज सिवाकोटीको संगीत, रोशन भट्टराइको नृत्य निर्देशन, चन्दन दत्तको सम्पादन रहेको छ ।
