सेलिब्रेटी नेपाल काठमाडौँ
आगामी चैत्र ९ गते बाट प्रदर्शनमा आउने तयारीमा रहेको चलचित्र ‘शत्रु गते’ को ‘रुपै मोहनी…’ बोलको गीतले छोटो समयमै यु ट्युबमा १ करोड भ्युज बनाउन सफल भएको छ । टंक बुढाथोकीको स्वर र संगीत रहेको गीतलाई लोकराज अधिकारीले लेखेका हुन् भने स्वरमा टंकलाइ मिना निरौलाले साथ दिएकि छिन । नेपाली चलचित्रको गीतले दर्शक लाइ सिनेमा हल सम्म तान्न ठुलै भूमिका राख्ने गर्दछ गीत सफल भएका थुप्रै चलचित्रहरु सफल बनेका छन् ।
कविराज गहतराजले कोरियोग्राफी गरेको गीतमा हरिवंश आचार्य, दीपाश्री निरौला, दीपकराज गिरी, शिवहरी पौडेल, प्रियंका कार्की, पल शाह र आँचल शर्माले कम्मर मर्काएका छन् । ‘जात्रा’ डेब्यु निर्देशक प्रदीप भट्टराईले निर्देशन गरेको चलचित्रलाइ महसंचारले निर्माण गरेको हो ।
