सेलिब्रेटी नेपाल काठमाडौँ
दुवै मृगौलामा समस्या आएपछि राजधानीको महाराजगञ्जस्थित त्रिभुवन विश्वविद्यालय शिक्षण अस्पतालमा उपचाररत गायिका जलजला परियारलाई चलचित्र ‘ए मेरो हजुर २’ टिमले सहयोग गरेको छ । बिहीवार टिचिङ अस्पताल मै पुगेर चलचित्रका अभिनेता सलिनमान बनियाँ र निर्माता सुनिल कुमार थापाले कूल ७६ हजार नगद हस्तान्तरण गरे ।
‘ए मेरो हजुर २’ को बेल्जियम प्रदर्शनबाट संकलित रकम मध्ये ५१ हजार र अमेरिका निवासी मुकेश सुवेदीको मुकेश सुवेदी फाउण्डेशनबाट प्राप्त २५ हजार जलजलाको उपचारका लागि प्रदान गरिएको हो । जलजलाको मृगौला प्रत्यारोपणका लागि नेपालमा अझै धेरै दिन लाग्ने भएपछि अब उनलाई भारत लैजान लगिएको पारिवारिक श्रोतले जानकारी गराएको छ ।
