सेलिब्रेटी नेपाल काठमाडौँ
नेपाल चलचित्र संघको ४५ औं बार्षिक साधारण सभा आगामी चैत्र ६ गते बुटवलमा सम्पन्न हुने भएको छ । बुधवार चलचित्र संघको केन्द्रिय कार्यलय विशालनगरमा बसेको कार्यसमिती बैठकले ४५ औँ साधारण सभा बुटवलमा गर्ने निर्णय सर्वसम्मतले पारित गर्दै कार्य समिती सदस्य कपिल प्रसाद द्धाको संयोजकत्वमा साधारण सभालाई सभ्य र भव्य बनाउनको लागी ७ सदस्यीय साधारण सभा तयारी समिती गठन गरिएको छ ।
यस्तै बुधवार बसेको कार्यसमिती बैठकले अहिले हरेक सिनेमाले अत्याधिक रुपमा ब्यापार भएको गलत समाचार सम्प्रेषण प्रति संघको गम्भीर ध्यानाकर्षण भएको बताएको छ । अहिले सञ्चार माध्यमका समाचार सम्प्रेषण भए अनुरुप नेपाली सिनेमाको व्यापार नभएको निस्कर्ष निकालेको छ । अब देखि यस्ता किसिमका अनर्गल प्रचार प्रसारले नेपाली सिनेमा क्षेत्रलाई प्रतिकुल असर पर्ने भन्दै आज देखि यस्ता किसिमका अनर्गल प्रचार प्रसार नगरी सिनेमाको सत्य तथ्य र यथार्थपरक ब्यापारिक रिर्पोट मात्रै सञ्चार माध्यममा सम्प्रेण गरि दिन चलचित्र संघका वितरक सदस्यहरुलाई अनुरोध गरेको संघका अध्यक्ष प्रदिप कुमार उदयले बताए ।
