सेलिब्रेटी नेपाल काठमाडौँ
अभिनेत्री केकी अधिकारीको निर्माणमा बनेको चलचित्र ‘कोहलपुर एक्सप्रेस’को पहिलो गीत भिडियो सार्बजनिक गरिएको छ बसन्त पञ्चमी अर्थात सरस्वती पूजाको अवसरमा आफ्नो पहिलो लगानीमा निर्माण भएको ‘कोहलपुर एक्सप्रेस’बाट यो गीत सार्वजनिक गरेकी हुन् । विवाहको थिममा तयार गरिएको यो गीतमा संगीतकार राजनराज शिवाकोटीको शब्द, संगीत तथा स्वर समावेश छ । गायनमा राजनराजलाई मेलिना राईले साथ दिएकी छन् । गम्भीर विष्टले कोरियोग्राफी गरेको गीतमा रीमा विश्वकर्मा, गम्भीर विष्ट, विनोद न्यौपाने र स्वयम् केकीले कम्मर मर्काएका छन् ।
हाल पोस्ट-प्रोडक्सनमा रहेको ‘कोहलपुर एक्सप्रेस’लाई निर्देशक विशाल भण्डारीले निर्देशन गरेका हुन् । चलचित्रमा प्रियंका कार्की, केकी अधिकारी, ऋचा शर्मा, बुद्दी तामाङ, रविन्द्र झा, विनोद न्यौपाने, कुशाग्र भट्टराई लगायतका कलाकारको अभिनय रहेको छ ।
