सेलिब्रेटी नेपाल एजेन्सीको सहयोगमा
भारतीय अभिनेता शशी कपुरको ७९ वर्षको उमेरमा सोमबार साँझ निधन भएको छ। पछिल्लो तीन सातादेखि मुम्बईको कोकिला बेन अस्पतालमा उपचाररत क्रममा निधन भएको हो । १६० भन्दा बढी हिन्दी र अंग्रेजी चलचित्रमा अभिनय गरेका शशी कपुरको जन्म सन् १९३८ मा कोलकातामा भएको थियो ।
नाटकबाट कलाकारिता सुरु गरेका कपुरले सन् १९४४ देखिनै पिता पृथ्वीराज कपुरका साथ अभिनय सुरु गरेका हुन्। कपुरले अभिनय गरेको जब-जब फूल खिले, कन्यादान, शर्मिली, आ गले लग जा, रोटी कपडा और मकान, चोर मचाए शोर लगायतका चलचित्र निक्कै मन पराइएका थिए ।
सन् १९८४ मा पत्नी जेनिफरको क्यान्सरका कारण निधन भएपछि एक्लो जीवन बिताइरहेका कपुरलाई सन् २०११ मा पध्म भुषण र सन् २०१५ मा दादा साहेव पुरस्कार प्रदान गरिएको थियो।
