सेलिब्रेटी नेपाल काठमाडौँ
दयाराम दाहाल निर्देशित चलचित्र रानी’को टिजर सार्वजनिक भएको छ। सार्वजनिक म्युजिकल टिजरमा डेब्यु अनुहारसंगै कथावस्तुलाई प्रस्ट्याउन खोजिएको छ । दुई डेब्यु कलाकार सारुक ताम्राकार र मनिष सुन्दर श्रेष्ठसंग मलिना जोशीको प्रेमलाई टिजरमा देखाइएको छ । सार्वजनिक टिजरमा गीतका केहि दृश्य र चलचित्रको ट्वीस्टलाई समेटिएको छ । चलचित्रमा अनुपविक्रम शाहीपनि छन् ।
भानु महर्जन प्रस्तुतकर्ता रहेको यस चलचित्रको कथा यम थापाले लेखेकाहुन् । चलचित्र लाइ पुरुषोत्तमप्रधान, सिसन बानिया र मान कृष्ण महर्जनले छायाँकन गरेका हुन् । चलचित्रमा विजय घिमिरेको संगीत, अर्जुन जिसीको सम्पादन रहेको छ । बिमलमानगुभाजुको निर्माण रहेको यो चलचित्र आउदो कार्तिक २ मा रिलिज हुनेछ ।
