सेलिब्रेटी नेपाल काठमाडौँ
नायिका स्वेता खड्काको निर्माणमा बन्न लागेको चलचित्र कान्छीको आज श्री कृष्ण जन्मास्टमीको अवसर पारेर औपचारिक घोषणा गरिएको छ यम थापाको पटकथा तथा संवाद रहेको चलचित्र लाइ आकाश अधिकारीले निर्देशन गर्नेछन । चलचित्रमा नायिका स्वेता खड्का र नायक दयाहाङ राङ मुख्य भूमिकामा देखिदैछन् । साथमा, नायिका अनु शाह, भूमिका श्रेष्ठ यो चलचित्रका प्रमुख पात्र हुन् ।
राजधानीमा आयोजित पत्रकार सम्मेलनमा निर्देशक आकाश अधिकारीले भने-‘यो एउटा विशुद्ध गाउँको कथामा बन्न लागेको चलचित्र हो । मुस्ताङमा करिब ३५ दिन लगाएर यो चलचित्र खिचिनेछ । पुरुषोत्तम प्रधानको छायांकन रहने चलचित्रमा शम्भुजित बास्कोटा, अर्जुन पोखरेल, राजनराज सिवाकोटीको संगीत, बसन्त श्रेष्ठको नृत्य निर्देशन रहनेछ । भदौ २ गतेबाट छायांकनमा जाने चलचित्रलाइ माघ २६ गतेबाट रिलिज गरिने निर्देशक अधिकारीले जानकारी दिए ।
