भुटानबाट लखेटिएर नेपालमा शरण लिएर बसेका शरणार्थीहरुको कथामा निर्माण भएको चलचित्र ‘हामी शरणार्थी’ ८ भदौबाट देशभर प्रदर्शनमा आउने भएको छ । राजधानीमा आयोजित एक कार्यक्रममा चलचित्रको बिभिन्न पक्षबारे जानकारी दिइयो । चलचित्रका निर्देशक विजय केरुङ, जीवन भट्टराइ लगायतको उपस्थिती रहेको कार्यक्रममा निर्देशक केरुङले चलचित्र सत्य घटनामा आधारित भएको बताए ।
चलचित्रकी मुख्य नायिका शिल्पा पोख्रेल एक चलचित्रको छायाँकनमा रहेकोले कार्यक्रममा उपस्थित हुन सकिन् । पूर्वका विभिन्न शिविरमा रहेका शरणार्थीको दुःख र कष्टलाई पसमेत चलचित्रमा उतारिएको छ । हिमाल केसीको एक्सन, उत्तमजंग लिम्बुको संगीत, कमल राइको नृत्य रहेको चलचित्रमा शिल्पा पोखरेल र जीवन भट्टराइको मुख्य भूमिका छ । अर्जुनकुमार पोखरेल, प्रकाश भण्डारी र प्रकाश शिवाकोटीको संयुक्त रुपमा चलचित्र निर्माण गरेका हुन् ।
