सेलिब्रेटी नेपाल काठमाडौँ
प्रतिक्षित चलचित्र ‘प्रेमगीत २’को नयाँ गीत रिलिज गरिएको छ । ‘नत हाँस्न नै’ बोलको वियोगान्त गीतमा एलिश कार्कीको संगीत, मनिषा खड्काको शब्द र सागर संसार राईको स्वर रहेको छ सार्वजनिक गीतमा प्रेमिकाको यादमा तड्पिरहेको युवकको पीडा झल्किन्छ । नायक प्रदिप खड्का र नायिका अश्लेषा ठकुरी गीतमा देखिन्छन् भने चलचित्रका अन्य केहि दृश्य पनि समावेश गरिएको छ ।
रामशरण पाठक निर्देशित ‘प्रेम गीत २’लाई आशुसेन फिल्मसको ब्यानरमा सन्तोस सेनले निर्माण गरेका हुन् । २०७२ सालमा प्रदर्शनमा आएको सफल चलचित्र ‘प्रेमगीत’को सिक्वेल ‘प्रेमगीत २’ मा प्रदीप र अश्लेषाका अलावा कैलाश कटुवाल, कविता रेग्मी, शिशिर भण्डारी, कुमार कार्की, श्रद्धा प्रसाई लगायतका कलाकारहरुको अभिनय रहेको छ । चलचित्र श्रावण १३ गते बाट सार्बजनिक प्रदर्शनमा आउने छ ।
