सेलिब्रेटी नेपाल काठमाडौँ
‘पशुपतिप्रसाद’ को सफलतापछि लेखक तथा अभिनेता खगेन्द्र लामिछानेको अर्को चलचित्र ‘धनपति’प्रदर्शनको तयारीमा रहेको छ चलचित्रमा रहेको सुख–दुःख बोलको गीत भिडियो सार्वजनिक गरिएको छ । टुकी आट्र्स प्रालिले दीपेन्द्र के. खनाल प्रोडक्सनसँगको सहकार्यमा निर्माण गरेको चलचित्रको गीतमा आधासुर र शारदा अधिकारीको स्वर रहेको छ । आधासुरकै शब्द रचना र संगीत रहेको उक्त गीतमा धनपति श्रीमती र छोरीलाई साइकलमा लिएर बजारदेखि पार्कसम्म घुमेका दृश्यलाई मुख्य रुपमा देखाइएको छ । चलचित्र धनपति असार २३ गते बाट सार्बजनिक प्रदर्शनमा आउने छ ।
‘धनपति’ खगेन्द्र लामिछानेले स्वयम्ले लेखेका हुन् भने चलचित्रमा उनि नै मुख्य भूमिकामा देखिएका छन् । दीपेन्द्र के. खनालले निर्देशन गरेको चलचित्रमा सुरक्षा पन्त, आशान्त शर्मा, हरिहर शर्मा, मनिष निरौला, सुरभी बर्तौला, प्रकाश घिमिरेलगायत कलाकारको अभिनय रहेको छ ।
