सेलिब्रेटी नेपाल काठमाडौँ
निर्देशक शोभित बस्नेतको निर्देशन, निर्माण र लेखनमा बन्न लागेको चलचित्र ‘बाबु कान्छा’ को शुभ मुहर्त गरिएको छ । राजधानीमा एक औपचारिक कार्यक्रमको आयोजना गरि चलचित्रको मुहर्त गरिएको हो उक्त कार्यक्रममा चलचित्र क्षेत्रका कलाकार चलचित्रकर्मीको बाक्लो उपस्थिती रहेको थियो । मुहुर्त सर्टमा अभिनेता सरोज खनाल र सलोन बस्नेतले संवाद बोलेका थिए । अभिनेत्री पूजा शर्माले निर्देशन गरेको मुहर्त सर्टमा अभिनेता सलिनमान बाँनियाले क्ल्याप हानेका थिए ।
चलचित्रमा सलोन बस्नेत, ऋतिक शाही, करिश्मा श्रेष्ठ, निर शाह, सरोज खनाल, राजाराम पौडेल लगायतका कलाकारको मुख्य भूमिका छ । अश्लिन ज्ञवाली र ज्योत्सना महर्जन यस चलचित्र बाट डेब्यू कलाकारको रुपमा देखिदैछन् ।
चलचित्रमा बाबु श्रेष्ठको छायांकन, टंक वुढाथोकी र अल्मोडाको संगीत, कविराज गहतराजको कोरियोग्राफी रहनेछ । रवि अधिकारी यसका कार्यकारी निर्माता हुन् ।
