सेलिब्रेटी नेपाल काठमाडौँ
निखिल उप्रेती प्रोडक्सनको ब्यानरमा बनेको चलचित्र ‘रुद्र’को रिलिज मिति परिवर्तन भएको छ । यसअघि श्रावण २० लाई प्रदर्शन मिति तय गरेको चलचित्र अब एक हप्ता पहिले नै अर्थात श्रावण १३ मा रिलिज हुनेछ । चलचित्रको फर्स्टलुक पोस्टर सार्वजनिक गर्दै आधिकारिक नयाँ रिलिज मिति घोषणा गरियो । श्रावण २० अर्थात अगष्ट ४ मा शाहरुख र अनुष्का शर्मा स्टारर फिल्म ‘जब ह्यारी मिट सेजल’ सार्बजनिक हुने भएकोले रुद्रको मिति सारेको बुझ्न आएको छ ।
चलचित्र ‘रुद्र’मा एक्सन स्टारको उपमा पाएका अभिनेता निखिल उप्रेति पहिलो पटक भिलेन (खलपात्र) को भुमिकामा प्रस्तुत छन् । सार्वजनिक फर्स्टलुक पोस्टरमा इनि निखिलको एङ्ग्री’ लुक्स समावेश छ भने मुख्य कलाकार रहेका डेब्यू अभिनेता अभिनेत्री द्वय विश्व र सारालाई प्रेमभावमा देख्न सकिन्छ । पोस्टरमा निखिललाई भिलेन अबतारमा प्रस्तुत गरेका निर्देशक लामिछानेले खलनायकको प्रसङ्ग जोड्दै ‘रावणको लागी राम, रामको लागी रावण, दुबै एक अर्काका लागी खलनायक हुन’ स्लोगन लेखेका छन् ।
रामजी लामिछानेले निर्देशन गरेको चलचित्रमा हिमाल केसीको द्वन्द्व रहेको छ भने चलचित्र लाइ सौरभ लामाले छायांकन गरेका हुन् । चलचित्रमा रोयदिप श्रेष्ठ, जितेन लामा, भाष्कर ओली, ज्याक श्रेष्ठ, रोशन पोखरेल, शिशिर भण्डारी, अनिल पाण्डे समेतको अभिनय रहेको छ ।
