सेलिब्रेटी नेपाल एजेन्सी
७५ वर्षीय अभिनेता अमिताभ बच्चनका प्रशंसक आज पनि कुनै नयाँ अभिनेताको भन्दा कम छैनन् । यद्यपि उनको पछिल्लो चलचित्र ‘सरकार–३’ प्रति वितरकहरूले कुनै रुचि देखाएका छैनन् । अप्रिल ७ को रिलिज डेट परिवर्तन गरेर मे १२ बनाइएपछि वितरकहरू बिच्किएको बताइन्छ । वितरकहरू नयाँ मितिका लागि तयार नभए पछि मे १२ मा पनि चलचित्र प्रदर्शन हुने–नहुने टुंगो छैन । बलिउड स्रोतका अनुसार सरकार–३ का लागि निर्माताले जुन मूल्य मागिरहेका छन्, वितरकहरू त्यति दिन तयार छैनन् । यसको कारण भने अमिताभ होइनन्, चलचित्रका निर्देशक रामगोपाल बर्मा हुन् ।
बर्माका पछिल्ला केही चलचित्र असफल भएपछि वितरकहरू तर्किएका हुन् । यो चलचित्रमा अमिताभ बच्चनसँगै ज्याकी श्राफ, मनोज बाजपेयी, अमित सुध, यामी गौतम, रोनित राय आदि कलाकारले अभिनय गरेका छन् ।
