सेलिब्रेटी नेपाल काठमाडौँ
दर्जनौ म्युजिक भिडियो निर्देशन गरेका निर्देशक नितिन चन्दको डेब्यु चलचित्र ‘जोनी जेन्टलमेन’को गीत रिलिज भएको छ । आईतबार राजधानीमा पत्रकार सम्मेलन गर्दै प्रेमभावको गीत सार्वजनिक गरिएको हो । नाई न भन्नु ल ४ बाट चलचित्रमा प्रवेश गरेका दुइ मोडल पल शाह र आंचल शर्माको मुख्य अभिनय रहेको चलचित्रको सार्बजनिक ‘तिमी बिना मान्दैन…’ बोलको भिडियोलाई सुन्दर बनाउन सक्दो प्रयास गरिएको छ उक्त गीतमा शब्द, संगीत तथा स्वर हर्कुलस बस्नेतको छ ।
भारतका विभिन्न स्थानमा छायांकन गरिएको भिडियोमा पल र आँचलको प्रेम देखिएको छ । गीतमा केशव थापा र सरिता रञ्चालको कोरियोग्राफी छ । चलचित्रका अन्य गीतमा व्रिजेश श्रेष्ठ र स्वाचित शाक्यले पनि संगीत दिएका छन् । योर स्टाइलको प्रस्तुतीमा बनेको चलचित्रमा ए.जी.इन्टरटेनमेन्टको सहकार्य रहेको छ । चलचित्रका निर्माता एन्ड्रिउ पौडेल हुन् भने अजय मल्ल यसका कार्यकारी निर्माता रहेका छन् । चलचित्र जेठ १९ बाट सार्बजनिक प्रदर्शन आउने छ ।
