सेलिब्रेटी नेपाल काठमाडौँ
गायन तथा समाचार वाचनमा ख्याति कमाएकी कोमल वलीले रेडियो नेपालको सरकारी जागिर छाडेर राजनीतिमा होमिने निर्णय गरेकी छन्। गत मंसिर ६ गते राप्रपामा प्रवेश गरेपछि ओलीलाई रेडियो नेपालले स्पष्टिकरण सोधेको थियो। रेडियो नेपालमा अधिकृतस्तर भन्दा माथिका कर्मचारीले राजनीतिक दलमा प्रतक्ष्य संलग्नता जनाउन नपाउने नियम छ।
कोमल राप्रपाको राजनीतिमा सक्रिय भएपछि राजनीति र जागिरमध्ये एक रोज्न उनलाई नैतिक दबाब परेको थियो। त्यसपछि उनले स्पष्टिकरणको साटो राजीनामा पत्र बुझाएकी छन्। रेडियो नेपाललबाट राजीनामा दिनुको कारणबारे उनले थाहा खबरलाई भनिन्, ‘पार्टी राजनीतिमा सक्रिय भएर लाग्न रेडियो नेपालबाट राजीनामा दिएकी हुँ।’ वली राप्रपाको केन्द्रीय सदस्य हुन्।
