अमिताभ र आमिर खान पहिलो पटक एउटै चलचित्रमा

हिन्दी चलचित्रको इतिहासमा पहिलो पटक अमिताभ बच्चन र आमिर खान एउटै चलचित्रमा देखिने भएका छन् । यशराज ब्यानरमा धुम ३ निर्माण गर्ने विजय कृष्ण आचार्यले निर्माण गर्न लागेको चलचित्र ‘ठग’ मा अमिताभ र आमिर सँगै देखिने भएका हुन् । फिल्म सत्य कथामा आधारित हुने कुरा अमिताभले यसअघि नै पुष्टि गरेका छन् । अमिताभ बच्चन र आमिर खान अलग पुस्ताका दुई प्रसिद्ध नायक भएपनि यो भन्दा पहिले कुनै पनि चलचित्रमा सँगै देखिएका छैनन् ।