सुख दुःख रिट्न्सबाट निर्देशनमा डेब्यु गर्न लागेका सत्यराजको ल्यांग ल्यांग (भिडियो)

सेलिब्रेटी नेपाल काठमाडौँ

हाँस्य गीत लिएर पहीलो पल्ट आएका छन् गायक तुल्सी घिमिरे । ‘ल्यांग ल्यांग भो’ बोल रहेको उक्त गीतमा शब्द तथा संगीत बलराम समालको रहेको छ । ओपेरा ट्युन्ले निकालेको अडियो गीतले हाँस्य गीतलाई फेरी अगाडी बढाउन मद्दत गरेको बुझ्न सकिन्छ । गित अनुसार भिडियो पनि हाँस्य रसले भरिएको छ । भिडियोमा गायक स्वयंले निकै गहकिलो प्रस्तुती दिएका छन् । त्यस्तै अर्की हाँस्य अभिनेत्री निरु खड्काले पनि उत्कृष्ट प्रस्तुती दिएकी छिन । भिडियोमा सुरेन्द्र, सागर र राजु कमेडीले पनि प्रस्तुती दिएका छन् । भिडियोलाई सत्यराज चौलागाईंले निर्देशन गरेका छन् भने रामकुमार के.सीले खिचेका हुन् र टेकेन्द्र शाहले सम्पादन गरेका छन् । निर्देशक सत्यराज सुपरहिट चलचित्र सुख दुखको सिक्वेल बनाउने तयारीमा जुटेका छन् ।