चलचित्र कामचोरको नयाँ ट्रेलर यस्तो छ (भिडियो )

सेलिब्रेटी नेपाल काठमाडौँ
असोज ८ गतेबाट प्रदर्शनको तयारमिा रहेको चलचित्र ‘कामचोर’को नयाँ ट्रेलर सार्वजनिक भएको छ । बिग बजेटमा बनेको भनिएको चलचित्र ‘चंखे शंखे पंखे’सँग प्रतिस्पर्धामा उत्रिन लागेको ‘कामचोर’का अधिकांश कलाकार नयाँ रहेका छन् । ‘कामचोर’ले बेरोजगार युवाहरुको कथा बोकेको निमार्ण पक्षको भनाई रहेको छ ।

अभिमान सिंह बस्न्यातको प्रस्तुतीमा तयार भएको यो चलचित्रमा प्रमोद गौचनले लगानी गरेका हुन । चलचित्रमा हर्षिका श्रेष्ठ, बालदिप राई, पुष्कर रेग्मी, रविन्द्र बस्नेत, ए वन उप्रेती, रोहन श्रेष्ठ, काजोल खनाल, अप्सना थापा, रविना परियार मुख्य भुमिकामा देखिदैछन् । चलचित्रमा भरत सिटौलाको संगीत, शंकर महर्जनको एक्सन रहेको छ । निर्देशक दिनेश श्रेष्ठले नै चलचित्रको छायांकन गर्नुको साथै कथा लेखेका छन् । चलचित्रलाई उनले सस्पेन्स कमेडी बताएका छन् । चलचित्र को गीत संगीत लाइ दर्शक श्रोताले मन पराइ सकेका छन् त्यस कारण चलचित्रले लगानी उठाउनेमा निर्माण पक्ष बिश्वस्त रहेको छ ।