काठमाडौं । चर्चित लाेक गायिका तथा लोक तथा दोहोरी गीत प्रतिष्ठानकी निवर्तमान अध्यक्ष रीता थापामगर नेपाली कांग्रेसकाे केन्द्रीय सदस्यमा विजयी भएकी छन् । २ हजार ३०८ मत ल्याउदै उनले खुल्ला महिला तर्फ केन्द्रीय सदस्य जितेकी हुन् । कांग्रेसकाे केन्द्रीय सदस्यमा विजय भएपछि सामाजिक संजालमा खुसी शेयर गर्दै साथ र सहयाेग गर्ने प्रती अभार ब्यक्त गरेकी छन् । धादिङ क्षेत्र नं. २ बाट खुला महिलातर्फ सर्वाधिक मत ल्याएर केन्द्रीय महाधिवेशन प्रतिनिधि बन्दै महाधिवेशनमा भाग लिएकी हुन् । दुई दशकभन्दा लामो समयदेखि नेपाली लोकदोहोरी क्षेत्रमा सक्रिय थापामगरका थुप्रै लोकदोहोरी गीत चर्चित छन् ।
