काठमाडौं । प्रेमभाव र रोमान्टिक कथावस्तु प्रस्तुत गरिएको गीत ‘यो जुनी रहुन्जेल’ को भिडियो सार्वजनिक गरिएको छ। गीतमा गंगा सोनाम र सौगात जंग थापाको स्वर रहेको छ भने गीतका शब्द नवीन कुमार शाहीले लेखेका हुन्।
गीतमा विशाल निरौलाको संगीत संयोजन रहेको छ। प्रेम र सम्बन्धका भावनालाई केन्द्रमा राखिएको भिडियोमा पदम बर्मा, सञ्चिता तथा कला घर टिमको अभिनय रहेको छ।
भिडियोको कन्सेप्ट, कोरियोग्राफी, निर्देशन तथा सम्पादन पदम बर्माले गरेका हुन्। जीवन र कमलले छायांकन गरेको भिडियोमा गौरव श्रेष्ठको कलर ग्रेडिङ रहेको छ।
भिडियोमा प्रेम, समर्पण र जीवनभरको साथलाई कलात्मक रूपमा प्रस्तुत गरिएको छ। सार्वजनिक भएसँगै गीतको भिडियोले दर्शकको ध्यान आकर्षित गर्ने अपेक्षा गरिएको निर्माण टिमले जनाएको छ।
