काठमाडौं । (NFCA) र (NIFF) ले नेपाली चलचित्रको टोलीलाई सम्मान गर्न विशेष अभिनन्दन कार्यक्रम आयोजना गरेका छन् । उक्त चलचित्रले सन् २०२६ को मा प्रतिष्ठित ‘अन सर्टेन रिगार्ड’ खण्डअन्तर्गत जुरी अवार्ड र उत्कृष्ट ध्वनि निर्माण पुरस्कार जित्दै नेपाली सिनेमालाई अन्तर्राष्ट्रिय स्तरमा नयाँ उचाइमा पुर्याएको थियो ।
कार्यक्रममा चलचित्रका निर्देशक अभिनाश विक्रम शाह, निर्माता अनुप पौडेल, सह–लेखक सन्दीप बडाल तथा मुख्य अभिनेत्री पुष्पा थिङ लामा सहभागी थिए । प्रतिष्ठानका अध्यक्ष केपी पाठक र उपाध्यक्ष शिव पुरीले टोलीलाई सम्मानपत्र प्रदान गरेका थिए । कार्यक्रममा विभिन्न सञ्चारमाध्यमका प्रतिनिधि, चलचित्रकर्मी तथा सिनेप्रेमीहरूको उपस्थिति रहेको थियो ।
कार्यक्रममा बोल्दै मुख्य अभिनेत्री पुष्पा थिङ लामाले पहिलोपटक फिल्ममा अभिनय गर्दा आफूले भोगेको अनुभव सुनाइन् । पेशाले मानवअधिकारकर्मी रहेकी लामाले सीमान्तकृत समुदायका पक्षमा लामो समयदेखि काम गर्दै आएको बताउँदै अभिनयमार्फत पनि ती समुदायका भावना र संघर्षलाई अभिव्यक्त गर्ने अवसर पाएको उल्लेख गरिन् । उनले क्यान्स चलचित्र महोत्सवमा सहभागी हुनु आफ्नो जीवनकै अविस्मरणीय अनुभव भएको बताइन् ।
सह–लेखक सन्दीप बडालले चलचित्रको शीर्षक “Elephants in the Fog” को अर्थ स्पष्ट पार्दै समाजले देखेर पनि नदेखेजस्तो गर्ने विषय, मौनता र पूर्वाग्रहलाई फिल्मले उठाएको बताए । उनका अनुसार चलचित्रले समाजमा ओझेलमा परेका कथा र पात्रलाई केन्द्रमा ल्याउने प्रयास गरेको छ ।
निर्माता अनुप पौडेलले चलचित्र निर्माणको उद्देश्यबारे बोल्दै नेपालका सीमान्तकृत समुदायका कथा विश्वमञ्चसम्म पुर्याउने चाहनाले फिल्म निर्माण गरिएको बताए । उनले महिला तथा कम प्रतिनिधित्व भएका समुदायका आवाजलाई सिनेमामार्फत प्रस्तुत गर्न आफू प्रतिबद्ध रहेको उल्लेख गरे ।
निर्देशक अभिनाश विक्रम शाहले चलचित्र निर्माणका क्रममा सम्बन्धित समुदाय र परिवारसँग नजिकबाट सहकार्य गरिएको जानकारी दिए । उनका अनुसार विश्वास र संवेदनशीलतालाई केन्द्रमा राखेर काम गरिएकाले चलचित्रमा देखिएको यथार्थता सम्भव भएको हो, जसलाई क्यान्सको जुरीले समेत महसुस गरेको बताए ।
कार्यक्रममा खुला प्रश्नोत्तर सत्र पनि आयोजना गरिएको थियो । पत्रकार, चलचित्रकर्मी र दर्शकहरूले फिल्मको विषयवस्तु, निर्माण प्रक्रिया तथा क्यान्स अनुभवबारे टोलीसँग प्रत्यक्ष संवाद गरेका थिए ।
अध्यक्ष केपी पाठकले क्यान्समा दुई महत्वपूर्ण अन्तर्राष्ट्रिय पुरस्कार जित्नु नेपाली चलचित्र क्षेत्रका लागि ऐतिहासिक उपलब्धि भएको बताउँदै चलचित्र टोलीप्रति बधाई तथा आभार व्यक्त गरे । उनले यस्तो सफलताले आगामी पुस्ताका नेपाली फिल्मकर्मीलाई साहसी र इमानदार कथा भन्न प्रेरणा दिने विश्वास व्यक्त गरे । उपाध्यक्ष शिव पुरीले कार्यक्रममा उपस्थित सबैप्रति धन्यवाद ज्ञापन गरेका थिए ।
अभिनन्दन कार्यक्रमले लाई केवल पुरस्कार विजेता चलचित्रका रूपमा मात्र नभई नेपाली समाजका कम प्रतिनिधित्व भएका समुदायका कथा विश्वसामु पुर्याउने महत्वपूर्ण सिनेमाका रूपमा स्थापित गरेको सन्देश दिएको थियो । कार्यक्रमको समापन सामूहिक तस्वीरसहित गरिएको थियो, जसले नेपाली सिनेमाको एउटा ऐतिहासिक क्षणलाई स्मरणीय बनाएको छ ।
