(सेलिब्रेटी नेपाल) काठमाडौँ
गायिका नम्रता काफ्ले खरेलको पहिलो गीति एल्बम ‘नम्रता’ सोमबार सांझ एक भब्य कार्यक्रमका बीच लोकार्पण भएको छ । बरिस्ट गीतकार किरण खरेलको शब्दमा तयार भएको यो एल्बममा हरि लम्साल र दिपक शर्माको सुमधुर संगीत रहेको छ । माननीय भौतिक पुर्बधार तथा यातायात मन्त्रि बिमलेन्द्र निधिले सोमबार नम्रता काफ्ले खरेलको गीति एल्बम ‘नम्रता’को बिमोचन गरेका छन् । भब्य बिमोचन समारोहमा माननीय शिक्षा मन्त्रि एनपी साउद,गीतकार किरण खरेल,डा.कृष्णहरि बराल,संगीतकार महेश खड्का,दिपक शर्मा,सहित सभासदहरुको बाक्लो उपस्थिति रहेको थियो ।
आनन्द पार्टी भेन्युमा सम्पन्न भएको बिमोचन समारोहलाइ अरनिको टेलिभिजनले प्रतक्ष्य प्रशारण गरेको थियो नम्रताले एल्बममा समाबेश गीत प्रत्यक्ष गाएर सुनाइन् । समारोहमा एल्बममा समाबेश दुइ गीतको म्युजिक भिडियो समेत देखाइएको थियो । भुसण दाहाल र बिधान कार्कीले निर्देशन गरेका दुइ भिडियोलाई पनि उपस्थती पाहुनाले रुचाएका थिए। कार्यक्रममा बोल्ने जति बक्ताले गायिका नम्रताको स्वरको खुलेर प्रशंशा गरे। एल्बममा पाँच गीत समाबेश गरिएको छ ।
दाहाल निर्देशित ‘बादल झैँ’बोलको गीतको म्युजिक भिडियोमा नायिका प्रियंका कार्की र नम्रता पति महेश खरेलले अभिनय गरेका छन् भने कार्की निर्देशित ‘तिमि छौ र जीवन’बोलको गीतको भिडियोमा बर्षा राउत र अनिल थापाले अभिनय गरेका छन् ।
