अक्षयसंग फोटो खिच्न खोज्दा फ्यानले खाए कुटाइ

(सेलिब्रेटी नेपाल) मुम्बई
बलिउडमा फेरि एउटा खबरले माहोल तताएको छ । खबर छ कि, अक्षय कुमारल आफ्ना एकजना ‘फ्यान’लाई थप्पड हिर्काएका छन् । समाचार स्रोतहरूका अनुसार अक्षयकुमार जूहूस्थित एक थिएटरमा हलिउड फिल्म हेर्न गएका थिए, आफ्ना परिवारसहित । सिनेमा सकिएपछि बाहिरिंदै गर्दा एकजना समर्थकले उनको परिवारसँग फोटो खिच्न चाहेका थिए । अक्षयले नमानेपछि ती समर्थकले जिद्दी गर्दा अक्षयको थप्पड खानुपरेको हो । त्यसअघि पनि फिल्म ‘गब्बर’को सुटिङका बेला उनले सुटिङ जोन क्रश गरेको भन्दै एकजना समर्थकलाई त्यसैगरी कुटेका थिए ।

बलिउडमा गोविन्दा तथा सलमानले पनि पटकपटक आफ्ना समर्थकहरूसँग यस्तो व्यवहार गर्दै आएको समाचार भारतीय सञ्चारमाध्यमहरूमा छाएको छ ।