काठमाडौं । वरिष्ठ चलचित्र निर्देशक किशोर सुब्बाको निर्देशनमा तयार गरिएको लिम्बु भाषाको म्युजिक भिडियो ‘ए फुंङ्..’ जेपिजे इन्टरटेनमेन्ट च्यानलमार्फत सार्वजनिक भएको छ।
गीतमा विवस बेनामको शब्द, मनि ताम्लिङ्गको संगीत तथा मनि ताम्लिङ्ग र दीपा सुहाङको स्वर सुन्न सकिन्छ। भिडियोमा सुमन थाम्सुहाङ र नविना सम्वाहाम्फे मुख्य भूमिकामा छन्, भने बिजेता लिम्बु, सोनिया लाबुङ, निरा नेम्बाङ लगायतले अभिनय गरेका छन्।
भिडियो अमेरिकाको विभिन्न रमणीय स्थलहरूमा छायांकन गरिएको हो। छायांकन सम्राट कार्कीले गरेका हुन् भने सम्पादन मन्दिल श्रेष्ठ र कलरिङ विनय कंशाकारको रहेको छ।
