काठमाडौं। गीतकार एवं सामाजिक अभियन्ता नरेश प्रधानको शब्द रचना रहेको ‘तिमीलाई पाउँदा’ बोलको प्रेमिल गीतको म्यूजिक भिडियो सार्वजनिक गरिएको छ ।
गायक प्रताप दास एवं गायिका अस्मिता अधिकारीको स्वर रहेको गीतमा एलिस कार्कीको संगीत बाबु प्रधानको संगीत संयोजन र महेश्वरमान राजभण्डारीको मिक्सिङ तथा मास्टरिङ रहेको छ ।
स्टुडियो साउण्डमिलको प्रस्तुतिमा निर्माण भएको म्यूजिक भिडियोमा कुन्साङ बम्जन र श्रद्धा क्षेत्री फिचर्ड छन् । निकेस खड्काको निर्देशनमा बनेको म्यूजिक भिडियोमा उत्सव दाहालको छायाँकन, विकास धमलाको सम्पादन र राजेन्द्र मोक्तानको कलर संयोजन रहेको छ । स्टुडियो साउण्डमिलको युट्यूब च्यानलमार्फत शनिबार उक्त गीत सार्वजनिक गरिएको हो ।
