काठमाडौँ। सम्पूर्ण नेपालीहरुमा महान चाड तिहारको अबसरमा, आफ्नो नेपाली चाड र संस्कृतिको जगेर्ना गर्दै मनोरञ्जन दिने हिसाबले छमछमी नाच्दै, मिठो देउसी भट्याउदै परम्परागत शैलीको देउसी गीत तिहारको रमाईलो गीत भिडियो सार्वजनिक गरिएको छ।
गीतकार डी.पी दाहाल परिश्रमीको रचनामा डि.पि दाहाल र सबिन लिम्बुको संगीत, सबिन लिम्बु, रोजिना बस्नेत र डि.पि. दाहालको स्वर रहेको देउसी गीत तिहारको रमाइलोको म्युजिक भिडियो सुन्दर बनेको छ । रिता सिम्खडा दाहालको प्रस्तुती रहेको सो गीतको म्युजिक भिडियोलाई कृष्णदेब रुपाखेतीले निर्देशन गरेका छन् । राहुल बराईलीको कोरीयोग्राफी, ज्ञानेन्द्र शर्माको छायांकन, स्मारीका ढकाल, सुरेश कोइल लगायतको अभिनय रहेको छ ।
चाहे बिदेशमा रहेका हुन वा स्वदेशमा हुन उनीहरुमा आफ्नो चाडप्रतिको, संस्कृतिप्रतिको माया कहिल्यै पनि मर्दैन, के केटाकेटी के बुढाबुढी, के युवा सबैलाई तिहार संस्कृतिले समेटेको गीतले बोलेको छ ।
