काठमाडौं । कलाकार तथा निर्देशक दीपाश्री निरौलाको निर्देशनमा निर्माण भएको सिनेमा ‘छक्का पञ्जा ५’को ट्रेलर सार्वजनिक गरिएको छ । दशैंको अवसर पारेर आगामी असोज २४ गते फूलपातीदेखि प्रदर्शनमा आउन लागेको सिनेमाको ४ मिनेट लामो ट्रेलर ओएसआर डिजिटलको अफिसियल यु ट्युब च्यानल मार्फत सार्वजनिक गरिएको हो ।
ट्रेलरमा दीपकराज गिरीलाई भ्रष्टाचार नगर्ने इमान्दार जागिरेको भूमिकामा देखाइएको छ । केदार घिमिरे,वर्षा सिवाकोटी,राजाराम पौडेल, लोकेन्द्र लेखक, ब्रजेश खनाल, रमेश बुढाथोकी, प्रकाश घिमिरे लगायतका कलाकारलाई ट्रेलरमा समावेश गरिएको छ ।
हरि हुमागाइँको डिओपी तथा उत्तम हुमागाइँको छायांकन रहेको सिनेमामा दीपकराज स्वयंको पटकथा लेखन छ भने कथा र संवादमा उनलाई केदार घिमिरे र दीलिप तामाङले सघाएका छन् ।
आमा सरस्वती मुभिज र आएमईको प्रस्तुतीमा निर्माण भएको सिनेमाका कार्यकारी निर्माता केदार घिमिरे (माग्ने बुढा) र निर्मल शर्मा हुन् । सिनेमामा रोशन श्रेष्ठको द्वन्द्व निर्देशन, कपिल पराजुलीको कलर तथा विपिन मल्लको सम्पादन रहेको छ । सिनेमालाई श्री ब्यंकटेश इन्टरटेनमेन्ट र माता पाथिभार फिल्मस्ले वितरण गर्दैछन् ।
