काठमाडौं । प्रज्ञा फिल्मस्को प्रस्तुतिमा नयाँ टेलिसिरियल ‘ठुल्दिदी’ निर्माण हुने भएको छ । सिरियलको शुक्रबार राजधानीमा शुभ मुहुर्त गरिएको छ । प्रज्ञा जोशीको निर्देशन रहने टेलिसिरियलमा प्रज्ञा जोशी, विष्णु रिजाल, माधव खनाल, आमिश्का बुढाथोकी, विमल धमला र विनयराज पौडेलको अभिनय रहनेछ ।
‘ठुल्दिदी’ मा लय संग्रौलाको लेखन र गीत, विकास चौधरीको संगीत, प्रिया नगरकोटीको श्रृंगार, विमल धमलाको प्रोडक्सन र मदनकश्यप घिमिरेको छायांकन रहनेछ ।
प्रज्ञाले यसअघि ठूलो पर्दामा ‘सम्झना’, ‘नोटबुक’, ‘सपुत’, ‘न बिर्से तिमीलाई’लगायतका फिल्म निर्माण गरेकी छन् । उनले यसअघि निर्माण गरेको टेलिसिरियल ‘सिन्दुर’ हिट टेलिसिरियलमा पर्दछ ।
