सेलेब्रिटी नेपाल कार्तिक १४- यस वर्षको पद्मश्री साहित्य सम्मानबाट वरिष्ठ साहित्यकारद्वय मदनमणि दीक्षित र खगेन्द्र सङ्ग्रौलालाई सोमबारसम्मान गरिएको छ । दीक्षितलाई लामो समयदेखि साहित्यका क्षेत्रमा योगदान पु-याएवापत रु एक लाख राशिको ‘पदमश्री साधना साहित्य सम्मान’ सङ्ग्रौलालाई ‘आफ्नै आँखाको लय’पुस्तकका लागि रु दुई लाखको ‘पदमश्री सिर्जना सम्मान’ प्रदान गरियो। दीक्षितलाई वरिष्ठ संस्कृतिविद् सत्यमोहन जोशी र सङ्ग्रौलालाई गैरआवासीय नेपाली सङ्घ (एनआरएनए) का अध्यक्ष जीवा लामिछानेले सम्मान गरे । यी सम्मानहरू खेमकला–हरिकला लामिछाने समाज कल्याण प्रतिष्ठानले हरेक वर्ष प्रदान गर्दै आएको छ । अध्यक्ष लामिछाने सो प्रतिष्ठानको संरक्षक पनि हुन् ।
