काठमाडौँ। युगकवि सिद्धिचरण श्रेष्ठको ११०औँ जन्मजयन्तिको अवसर पारेर आज युगकविको रचना एवं स्वरसम्राट नारायण गोपालको स्वर तथा संगीत रहेको गीत ‘मेरो प्यारो ओखलढुंगा’ को भिडियो सार्वजनिक गरिएको छ ।
युगकवि सिद्धिचरण प्रतिष्ठानको निर्माण रहेको उक्त गीतको भिडियोलाई निर्देशक दिनेश डिसीले तीन वर्ष अघि निर्देशन गरेका थिए । युगकविको वारेमा अध्ययन गर्न चाहने दुई विद्यार्थीको युगकविको जन्मस्थलसम्मको खोजमुलक यात्रालाई प्रस्तुत गरिएको गीतमा समीक्षा पोखरेल, महेश खड्का र दिनेश डिसीको अभिनय रहेको छ । सुरेश घिसिङ्गले छायाँकन गरेको भिडियोलाई सत्य नेपाल यु ट्युब च्यानल मार्फत सार्वजनिक गरिएको छ।
